GAC քրոսովերը փորձել է ողջ-ողջ այրել իր տիրոջը. դուռը, գոտին արգելափակվել են, արգելակները խափանվել են (կադրեր)

Չինական GAC քրոսովերը փորձել է ողջ-ողջ այրել իր տիրոջը. մեքենայի առջևի ձախ դուռը, վարորդի գոտին արգելափակվել են, արգելակները խափանվել են։ Այս ամենը տեղի է ունեցել Ռուսաստանի M-12 մայրուղու գազալցակայանի մոտ: Տղամարդը ծանր այրվածքներով հոսպիտալացվել է։
 
Ըստ SHOT տելեգրամյան ալիքի՝ Ալեքսեյը (անունը փոխված է) և նրա կինը հարազատներին հանդիպելուց հետո Օրենբուրգից մեկնելիս են եղել Մոսկվա։ Զույգը որոշել է կանգ առնել բենզալցակայանում, և հենց շրջադարձի մոտ կապոտի տակից ծուխ է դուրս եկել, իսկ վարորդի դուռն անմիջապես արգելափակվել է։ Սկզբում Ալեքսեյը չի կարողացել կանգնեցնել մեքենան, հետո ամրագոտին է արգելափակվել։ Մինչ տղամարդը փորձել է դուրս գալ, ստացել է դեմքի, ձեռքերի և ոտքերի ծանր այրվածքներ, ամբողջ հագուստը կպել է մարմնի այրված մասերին, այրվել են նաև գլխի մազեր։ Այս պահին կինը ընթացքից դուրս է թռել մեքենայից։ 

Գազալցակայանի աշխատակիցներն օգնել են մարել քրոսովերը։ Ալեքսեյն օգտագործել է երեք մեծ 50 լիտրանոց ջուր։ Ամբողջությամբ այրվել են քրոսովերի հատակն ու շարժիչը. Թե ինչն է եղել հրդեհի բռնկման պատճառը, դեռևս հայտնի չէ։ Օրենբուրգ մեկնելուց անմիջապես առաջ մեքենան ենթարկվել է տեխնիկական սպասարկման, և ամեն ինչ կարգին է եղել։ Քրոսովերը դեռ մեկ տարեկան էլ չէ, այն գնվել է անցյալ տարվա դեկտեմբերին 2,6 միլիոն ռուբլով, իսկ ղեկին վարորդը նստել է փետրվարին։ Վարորդն արդեն կապվել է դիլերի և արտադրող GAC-ի հետ: Խոստացել են փորձաքննություն անցկացնել։ 

Ալեքսեյը տեղափոխվել է Մոսկվայի հիվանդանոցներից մեկը՝ դեմքի, ձեռքերի և ոտքերի լուրջ այրվածքներով: Նա հիվանդասենյակում կմնա առնվազն մինչև շաբաթվա վերջ։

Կադրերն այստեղ