«Վնուկովո» օդանավակայանը սահմանափակել է թռիչքները․ ի՞նչ է կատարվում
Մոսկվայի «Վնուկովո» օդանավակայանից ՌԻԱ Նովոստիին ասել են, որ երկուշաբթի առավոտյան իր վերահսկողությունից անկախ պատճառներով սահմանափակումներ են մտցվել ինքնաթիռների ընդունման և բացթողման վրա, որոշ թռիչքներ վերահղվել են այլ օդային նավահանգիստներ։
«Օդանավակայանի վերահսկողությունից դուրս պատճառներով ժամանակավոր սահմանափակումներ են մտցվել «Վնուկովո»-ում օդանավերի ընդունման և բաց թողնման վրա: Անվտանգության նկատառումներից ելնելով ժամը 06:25-ից թռիչքների մի մասը վերահղվել է այլ օդային նավահանգիստներ»,- հայտնել են օդանավակայանից:
Ավելի վաղ հայտնել էինք, որ Մոսկվայի մարզի Ռուզա շրջանում կասեցվել է անօդաչու թռչող սարքի հարձակման փորձը։
