Nvidia-ն ու Dell-ը մշակել են ընկերություններում արհեստական ինտելեկտի ներդրման համակարգ
Ամերիկյան Nvidia և Dell ընկերությունները ստեղծել են AI Factory նոր համակարգ, որը նախատեսված է արհեստական ինտելեկտի (AI) վրա հիմնված լուծումների ներդրման և օպտիմալացման համար։
Ընկերությունները հայտնել են, որ այս համակարգը չունի անալոգներ ու միավորում է դյուրակիր ու ստատիկ համակարգիչները, տվյալների պահպանման համակարգերն ու ցանցային սարքերը։
AI Factory-ը կարող է տեղակայվել կորպորատիվ ցանցում: Ծառայությունների մշակողները խոստանում են ճկուն վճարումներ՝ հիմնված աշխատանքի արդյունքների, աջակցություն տվյալների, տեղական ենթակառուցվածքի վրա և AI գործիքների ինտեգրման արագացման գործում։
Ըստ Dell-ի գործադիր տնօրեն Մայքլ Դելի՝ ընկերության կորպորատիվ հաճախորդները փնտրում են արհեստական ինտելեկտն իրենց աշխատանքում ներդնելու հեշտ միջոց. Dell-ը հնարավորություն է գտել օգնել նման ընկերություններին հեշտությամբ օպտիմալացնել արհեստական ինտելեկտի աշխատանքը:
Nvidia-ն ներկայացրել է նաև նոր Blackwell B200 չիպը, որը թույլ կտա ստեղծել էլ ավելի բարդ նեյրոնային ցանցեր, աշխատել տրիլիոնավոր պարամետրերով մեծ լեզվական մոդելների հետ։ Nvidia-ն խոստանում է, որ նոր չիպը կլինի 25 անգամ ավելի խնայող և էներգաարդյունավետ, քան ներկայիս լուծումները։
