Լոնդոն մեկնող ինքնաթիռն արտակարգ վայրէջք է կատարել Բոստոնի օդանավակայանում. ի՞նչ է հայտնի

Վաշինգտոն-Լոնդոն չվերթն իրականացնող ինքնաթիռը արտակարգ վայրէջք է կատարել Բոստոնի օդանավակայանում՝ ենթադրաբար թռչուններին բախվելու և ինքնաթիռում ծխի պատճառով, հաղորդում է CBS-ը։

«British Airways-ի Վաշինգտոնից Լոնդոն թռչող ինքնաթիռը շաբաթ օրը շեղվել է դեպի Բոստոն՝ թռչնի բախման և սրահում ծխի մասին հաղորդումներից հետո», - նշում է հեռուստաալիքը։

CBS-ի տվյալներով՝ Boeing 777-ը Վաշինգտոնի օդանավակայանից թռել է տեղական ժամանակով ժամը 17:30-ին և արտակարգ վայրէջք է կատարել Բոստոնում ժամը 19:30-ին:

Զոհերի մասին տեղեկություններ չեն եղել, և ԱՄՆ քաղաքացիական ավիացիայի վարչությունը (FAA) հայտարարել է, որ կհետաքննի դեպքը։ 

Իրադարձություններին ավելի արագ հետևելու համար բաժանորդագրվեք՝ MediaHub1world