Քաղցկեղից, ցիռոզից և ինսուլտից. բժիշկները հիշեցրել են սուրճի բուժիչ հատկությունների մասին
Սուրճը պարունակում է բազմաթիվ օգտակար նյութեր, այդ թվում՝ B1 և B6 վիտամիններ, ինչպես նաև կալիում, մագնեզիում, կալցիում, ցինկ, ֆոսֆոր, հիշեցրել է Ռոսպոտրեբնադզորի փորձագետ Ալինա Ցինյաևան։
Բացի այդ, սուրճը պարունակում է ավելի քան 20 ամինաթթուներ, որոնք օգտակար են օրգանիզմի համար, իսկ դրա հիմնական բաղադրիչները՝ պոլիֆենոլները և կոֆեինը, պաշտպանում են բջիջները ազատ ռադիկալների վնասից։
Եթե դուք ընդունելի չափաբաժիններով սուրճ եք խմում, ապա այս ըմպելիքը միայն օգուտներ կբերի։ Չէ՞ որ գիտնականները բազմիցս ապացուցել են, որ սուրճն օգնում է գլխացավերին, նվազեցնում քարերի առաջացման վտանգը, պաշտպանում է սրտի կաթվածից և ինսուլտից, ինչպես նաև ցիռոզից և լյարդի քաղցկեղից։
Սուրճը բարենպաստ ազդեցություն է ունենում նաև ուղեղի աշխատանքի վրա՝ բարելավելով ճանաչողական կարողությունները։ Ահա թե ինչու սուրճ խմողները սովորաբար ավելի քիչ են ենթարկվում Պարկինսոնի և Ալցհեյմերի հիվանդությունների:
«Սակայն սուրճը խթանում է աղաթթվի արտադրությունը, ուստի այն կարող է տհաճ ախտանշաններ առաջացնել դատարկ ստամոքսին, բայց ոչ բոլորն են նման ազդեցություն կունենան»,- նշել է Ալինա Ցինյաևան։
Սուրճը ոչ բոլորի համար է օգտակար։ Նրանց համար, ովքեր տառապում են անքնությամբ և նյարդային գերգրգռվածությամբ, մասնագետի խոսքով, ավելի լավ է հրաժարվել այս ըմպելիքից։ Սրտի ռիթմի խանգարումներ և հիպերտոնիա ունեցող մարդիկ նույնպես պետք է լրջորեն սահմանափակեն իրենց սուրճի օգտագործումը:
