Շոգի ընթացքում սառը ցնցուղն անվտանգ է, եթե մարմինը պատրաստված է, հակառակ դեպքում, արյան անոթների կտրուկ նեղացման պատճառով, դա կարող է հանգեցնել աղետալի հետևանքների, այդ թվում՝ ինսուլտի, «ՌԻԱ Նովոստի»-ին ասել է սրտաբան, անեսթեզիոլոգ-ռեանիմատոլոգ Անտոն Վախլյաեւը։
«Սառը ցնցուղը անվտանգ է, եթե դուք պատրաստ եք դրան, եթե դուք չունեք դրա հակացուցումները, եթե հասկանում եք, թե ինչ եք անում: Շոգից հանկարծակի սառը ցնցուղի մեջ մտնելը անվտանգ չէ։ Ֆիզիոլոգիան դեր կխաղա. շատ լայն վիճակից անոթները ակնթարթորեն կնեղանան, մարմնի բոլոր անոթները կնեղանան: Եթե հանկարծ դուք ունեք որևէ փոփոխված անոթ, օրինակ՝ ուղեղում, ձեզ համար սա կարող է ավարտվել ինսուլտով, կարող է սկսվել ցնցումային համախտանիշ», - ասել է նա։
Վախլյաեւը խորհուրդ է տվել տաք ջրով ցնցուղ ընդունել՝ աստիճանաբար իջեցնելով ջերմաստիճանը, որպեսզի մարմինը կարողանա հարմարվել։
«Սառը ցնցուղը հիանալի միջոց է ջերմությունից ազատվելու համար։ Պարզապես մի՛ արեք դա կտրուկ, արեք դա մտածցած ու զգույշ», - նշել է բժիշկը։