Crocus City Hall-ում տեղի ունեցած ահաբեկչության գործով դատարանը կալանել է չորս մեղադրյալների (լուսանկարներ)

Կիրակի օրը՝ մարտի 24-ին, Մոսկվայի Բասմանի շրջանային դատարանը մինչև մայիսի 22-ը կալանել է Crocus City Hall-ում տեղի ունեցած ահաբեկչության գործով առաջին անձին, հայտնում է դատարանը։ Սա Միրզոև Դալերժոն Բարոտովիչն է։ Նա լիովին ընդունել է իր մեղքը։

Սրանից հետո դատարանը որոշել է կալանավորել երկրորդ ամբաստանյալին։ Սա Սաիդակրամի Մուրոդալի Ռաչաբալիզոդան է։ Հաջորդիվ կալանել է Շամսիդինա Ֆարիդունին։ Չորրորդը Ֆայզով Մուհամմադսոբիրն է։ Ձերբակալվածներին մեղադրանք է առաջադրվել ահաբեկչության համար (ՌԴ Քրեական օրենսգրքի 205-րդ հոդված): Քրեական օրենսգրքի այս հոդվածով նախատեսված առավելագույն պատիժը նախատեսում է ցմահ ազատազրկում։

Ուրբաթ երեկոյան՝ մարտի 22-ին, մոտավորապես ժամը 20:00-ին, չորս զինված տղամարդ կրակ են բացել Crocus-ի այցելուների վրա։ Հարձակման մասնակիցները այրել են համերգասրահը, որտեղ պատրաստվում էր ելույթ ունենալ Պիկնիկ խումբը։ Հարձակումից 20 րոպե անց ահաբեկիչները դեպքի  վայրից փախել են սպիտակ Renault մեքենայով։ Մոսկվայի ժամանակով մարտի 24-ի ժամը 17:00-ի դրությամբ Կրոկուսում  տեղի ունեցած ահաբեկչության հետևանքով զոհերի թիվը հասել է 180-ի, ասվում է Մոսկվայի մարզի առողջապահության նախարարության թարմացված ցուցակում։ Ահաբեկչության վայրում հայտնաբերվել է 137 մարդու դի, որոնցից երեքը՝ երեխաներ, մարտի 24-ի երեկոյան հայտնել են Քննչական կոմիտեից։