Ի՞նչ կկատարվի օրգանիզմի հետ, եթե հրաժարվեք բանջարեղենից և մրգերից
- Վիտամինների և հանքանյութերի անբավարարություն. Վիտամինների մեծ մասը, ինչպիսիք են A, C և K վիտամինները, որոնք առկա են կարմիր, նարնջագույն, կանաչ և դեղին մթերքներում, ինչպիսիք են բուլղարական պղպեղը, սեխը, կիվին, ցիտրուսային մրգերը, խնձորը, տերևավոր կանաչին, հատապտուղները և այլն, խտացված են մրգերում և բանջարեղեններում, ուստի դրանց անբավարար օգտագործումը կարող է հանգեցնել դեֆիցիտի: Այս բոլոր վիտամիններն ու հանքանյութերը պատասխանատու են իմունիտետի, աչքերի և ուղեղի առողջության համար և շատ ավելին: Դրանից բխում է, որ շատ կարևոր է, որ դրանք լինեն սննդակարգում։
- Ջրազրկում. Մրգերն ու բանջարեղենը հաճախ շատ ջուր են պարունակում։ Եթե դուք բավարար քանակությամբ հեղուկ չեք խմում կամ դրանք ստանում եք սննդի միջոցով, կարող եք ջրազրկվել, որն ուղեկցվում է հոգնածությամբ և մկանային ջղաձգությամբ:
- Մաշկի, մազերի և եղունգների հետ կապված խնդիրներ. Քանի որ մրգերն ու բանջարեղենը հարուստ են հակաօքսիդանտներով և վիտամիններով, դրանք պահպանում են ձեր մաշկը գեղեցիկ և երիտասարդ՝ նվազեցնելով տարատեսակ խնդիրների առաջացումը: Բացի այդ, եթե դուք բավարար քանակությամբ սննդանյութեր չեք ստանում, ձեր եղունգները և մազերը կարող են կոտրվել:
- Աղիների կանոնավոր շարժումների բացակայություն: Եթե ձեր սննդակարգի հիմքը միսն ու ճարպերն են, ապա փորկապության վտանգ կա։ Մարսողությունը հեշտացնելու և աղեստամոքսային տրակտի աշխատանքը բարելավելու համար անհրաժեշտ է մանրաթել, որը կա բանջարեղենի և մրգերի մեջ: Ուստի խորհուրդ է տրվում ուտել խնձոր, կիվի, խաչածաղկավոր բանջարեղեն, ինչպիսիք են բրյուսելյան կաղամբն ու բրոկկոլին, կանաչիները և հատապտուղները։
- Վիրուսային հիվանդությունների բարձր ռիսկ. Բանջարեղենից և մրգերից սննդանյութերի պակասը հանգեցնում է իմունային համակարգի նվազմանը, ինչը այնքան էլ լավ չէ, հատկապես սեզոնից դուրս:
