Ռոստովի մարզում տղամարդը ոստիկանական բաժանմունքից փախչելու փորձի ժամանակ ընկել է երրորդ հարկից

Ռոստովի մարզում կասկածյալը ոստիկանական բաժանմունքից փախչելու փորձի ժամանակ ընկել է երրորդ հարկի բարձրությունից։ Այս մասին հայտնում է Mk.ru-ն։

Դեպքից քիչ առաջ իրավապահները Նեկլինովսկի թաղամասում բերման են ենթարկել 31-ամյա մի տղամարդու։ Նա կասկածվում էր որոշակի հանցագործություն կատարելու մեջ և տարվել է ներքին գործերի բաժին հարցաքննության։

Սենյակում կալանավորը կտրուկ շրջվել է և վազել դեպի բաց պատուհանը։ Նա դուրս է եկել եզրագծի վրա և ծրագրել է գետնին իջնել ջրահեռացման խողովակով, բայց վայր է ընկել։ Հայտնի է, որ այդ պահին նրա կողքին ոստիկան է եղել, սակայն նա չի հասցրել ժամանակին արձագանքել։

Հայտնի է, որ վնասվածքներ ստացած տղամարդը շտապօգնության մեքենայով տեղափոխվել է հիվանդանոց։ Նրա վնասվածքների լրջության մասին առայժմ ոչինչ չի հաղորդվում։