ՔՊ-ում կուսակցության հեղինակության հետ խաղացած անձանց որսը չի դադարում։ Նիկոլ Փաշինյանի՝ Ազգային ժողովում ՔՊ-ականների երեկվա մոտ 4 ժամանոց հանդիպումը «առանց արցունքների» չի անցել։ Վարչության անդամների ընտրությունը կեղծողների հերթական «ռեյդն է» եղել։
Արփի Դավոյանի գլխին կուտակված սեւ ամպերը ցրելու համար, կուսակցության «դեմքերը» ասել են, որ Դավոյանը իրականում այդ օրը «գեղարվեստական» հարցերով է զբաղվել ու պահել իրեն իսկական տնային տնտեսուհու պես՝ ֆուրշետի համար է պատասխանատու եղել, սեղաններն է դասավորել, ուշադիր է եղել, որ չկորի ներս ու դուրս անողների վերարկուները եւ այլն։
Ենթադրելի է, որ հենց այս պատճառով էր Արփի Դավոյանն այսօր լրագրողների հետ զրույցում խելացի դեմքի արտահայտությամբ Ուինսթոն Չերչիլ ցիտում։