Չինաստանում տղամարդը սատկացրել է փոքրիկ ճանճին, որը կանգնել է նրա դեմքին և կորցրել աչքը. գրում է Oddity Central-ը։

Ըստ լրատվամիջոցների՝ միջադեպը տեղի է ունեցել Վու մականունով տղամարդու հետ։ Նա այնքան էր հոգնել իր գլխի շուրջը թռչող ճանճից, որ սպասել է, մինչև այն կանգնի, իսկ հետո հարվածել նրան: Մեկ ժամ անց չինացու ձախ աչքը կարմրել է, ուռել ու սկսել ցավել։ Որոշ ժամանակ անց իրավիճակը վատացել է, և նա որոշել է գնալ հիվանդանոց։

Բժշկի նշանակած դեղերը չեն օգնել՝ աչքը շարունակել է ցավել։ Երբ Վուն վերադարձել է հիվանդանոց, նա արդեն մի աչքով կույր էր։ Պարզվել է, որ բորբոքումն առաջացել է բակտերիալ ինֆեկցիայի հետևանքով, որն փոխանցվել է ճանճից:

Դեղորայքն այլևս չէր կարող կանխել վարակը, և քանի որ այն կարող էր տարածվել տղամարդու ուղեղի վրա, բժիշկները որոշեցին վիրահատություն կատարել՝ հեռացնելով հիվանդի ձախ ակնախնձորը։

Իրադարձություններին ավելի արագ հետևելու համար բաժանորդագրվեք՝ MediaHub1world