Հուլիսին տարեկան կտրվածքով 26 տոկոսով անկումից հետո դաշնային բյուջեի եկամուտները օգոստոսին կրճատվել են 11 տոկոսով, այդ կերպ երկրորդ ամիսն անընդմեջ բացասական միտում է նկատվել։ Միաժամանակ նվազում են ինչպես նավթագազային եկամուտները, այնպես էլ ոչ նավթագազային եկամուտները։ Այս մասին գրում է РБК-ն՝ հղում անելով ֆինանսների նախարարության հասանելի տվյալներին։
Օգոստոսի տվյալները նախնական են եւ կարող են վերանայվել ավելի ուշ, սակայն իրավիճակն արդեն չի փոխվի։ Օգոստոսին նավթի եւ գազի եկամուտները կրճատվել են 3,4 տոկոսով՝ մինչեւ 671,9 միլիարդ ռուբլի, ինչը նվազագույնն է 2021 թվականի հունիսից։ Դրանց վրա առաջին հերթին ազդել է հանքարդյունաբերության լրացուցիչ եկամուտների հարկային մուտքերի անկումը։
Նավթագազային եկամուտներն ավելի ուժեղ են ընկել՝ 14 տոկոսով՝ մինչեւ 1,157 տրլն ռուբլի։ 26 տոկոսով նվազել են ներմուծվող ապրանքներից ԱԱՀ-ի գանձումները, ինչը կապված է արտասահմանից Ռուսաստան ապրանքների մատակարարումների հետ։