Հուսամ Ադրբեջանի բարձրագույն իշխանությունը շուտով հանդես կգա հայտարարությամբ, որ ճանաչում է Հայաստանի Հանրապետության տարածքային ամբողջականությունը։ Մենք շարունակում ենք մտահոգվել, որ Ադրբեջանը իր քաղաքականությամբ տարածքային պահանջներ ունի ՀՀ-ի նկատմամբ․ MediaHub-ի հաղորդմամբ՝ խորհրդարանում այս մասին ասաց ՀՀ ԱԳ նախարար Արարատ Միրզոյանը, պատասխանելով ընդդիմադիր Գեղամ Մանուկյանի դիտարկմանը, թե ադրբեջանցի որեւէ պաշտոնյա հայտարարե՞լ է, որ ճանաչում է Հայաստանի 29,800 քկմ տարածքը։
«Պարոն Մանուկյան, ճիշտ եք նկատել՝ Ադրբեջանի նախագահը հրապարակավ չի ասել այն մասին, որ ճանաչում է ՀՀ տարածքային ամբողջականությունը՝ 29,800 քառակուսի կիլոմետր տարածքով, բայց Ադրբեջանի նախագահի մասնակցությամբ տեղի ուենցած հանդիպումը ամփոփվել է ԵՄ խորհրդի նախագահ Միշելի կողմից հայտարարութամբ, որտեղ նշվոմ է, որ երկրները ճանաչում են միմյանց տարածքային ամբողջականությունները, որից հետո Ադրբեջանի կողմից հրապարակային հերքում չի արվել»,- ասաց ԱԳ նախարարը։
Արարատ Միրզոյանը հույս հայտնեց, որ Ադրբեջանի բարձրագույն իշխանությունը առաջիկայում հանդես կգա Հայաստանի տարածքային ամբողջականությունը ճանաչելու մասին հայտարարությամբ։
«Մենք շարունակում ենք մտահոգություն ունենալ այն մասին, որ Ադրբեջանն իր քաղաքականությամբ տարածքային պահանջ ունի ՀՀ-ի նկատմամբ։ Սրա մասին էր 2022թ-ի սեպտեմբերյան պատերազմը, մինչ այդ տեղի ունեցած ներխուժումները, վերջերս Տեղ գյուղում տեղի ունեցած միջադեպը եւ ահա այսպիսի բաները վերացնելու համար է, որ ՀՀ-ն շահագրգիռ է օր առաջ սահմանազատման հասնել»,-հավելեց նա։
Մանրամասն՝ տեսանյութում։