Արցախցիները զրկվել են ազատ տեղաշարժի իրավունքից, հայտնվել են ձմեռային եղանակի պայմաններում իրենց բնակարանները ջեռուցելու խնդրի առաջ, բազմաթիվ մարդիկ՝ այդ թվում երեխաներ, ձմռան այս ցրտին մնացել են ճանապարհներին։ Այդ մասին այսօր կառավարության հերթական նիստում ասաց Նիկոլ Փաշինյանը՝ անդրադառնալով թշնամու կողմից Լաչինի միջանցքը փակ պահելուն։
Նրա խոսքով՝ Լաչինի միջանցքի փակումը նոյեմբերի իննի եռակողմ հայտարարության կոպտագույն խախտում է Ադրբեջանի կողմից։
«Նշված հայտարարության վեցերորդ կետի համաձայն Լաչինի միջանցքը գտնվում է ռուսական խաղաղապահ զորախմբի վերահսկողության ներքո, և Ադրբեջանը երաշխավորում է Լաչինի միջանցքով քաղաքացիների, տրանսպորտային միջոցների, բեռների փոխադրումը»,- նշեց Փաշինյանը։
Ըստ նրա՝ Ադրբեջանը եռակողմ հայտարարության այլ կետեր ևս խախտել է ՝ ռազմական գործողոություններ ձեռնարկելով Խծաբերդում և Հին Թաղերում։
«Ռազմական գործողությունները շարունակական բնույթ են կրել, Ադրբեջանի ԶՈւ կողմից շփման գծում սադրանքներ հրահրելը շարունակական է»,- ասաց Փաշինյանը։
Մանրամասները՝ տեսանյութում։