Բժիշկը զգուշացրել է ծխողների շրջապատի համար վտանգավոր առողջական խնդիրների մասին
Բժիշկ Ալեքսանդրա Ֆիլեւան խոսել է պասիվ ծխողների համար ծխախոտի վտանգների մասին։
Մասնագետը նշել է, որ նիկոտինի ազդեցության պատճառով առաջանում է կոկորդի չորություն, կոկորդի ցավ, հազ։ Այս կերպ նվազում է տեղային իմունիտետը, կարող են զարգանալ վարակիչ հիվանդություններ՝ կոկորդի ցավ, ֆարինգիտ, գրել է RT կայքը։
«Այրման արտադրանքը շնչելը ավելի է վատացնում իրավիճակը. արյան մեջ թթվածինն ավելի քիչ է լինում, իսկ օրգանները մնում են առանց սնուցման։ Սա զգալիորեն մեծացնում է առիթմիայի, աթերոսկլերոզի, սրտի իշեմիկ հիվանդության վտանգը, որը կարող է հանգեցնել սրտի կաթվածի և ինսուլտի, նաև դեմենցիայի զարգացմանը՝ տկարամտության ձեռքբերման»,- նշել է փորձագետը։
Բժիշկը հիշեցրել է նաև, որ ծխելը կարող է առաջացնել արյան տրոմբներ, ինչը հանգեցնում է աթերոսկլերոզի և թրոմբոզի։ Ծխախոտի օգտագործման հետ կապված վտանգների երկար ցանկը ներառում է օրգանիզմում ազատ ռադիկալների առաջացումը, ինչը հանգեցնում է քաղցկեղի։
«Պասիվ ծխելու ժամանակ մարդը շնչում է ոչ պակաս քաղցկեղածին և այրման արտադրանք, քան ակտիվ ծխողը։ Ուստի միայն ծխելը թողնելը բավարար չէ. պետք է խուսափել այն վայրերից, որտեղ ուրիշները ծխում են»,- ընդգծել է Ալեքսանդրա Ֆիլեւան։
