Աղմկոտ սկանդալից հետո Ուիլ Սմիթը մեծ էկրաններ կվերադառնա «Ես լեգենդ եմ» ֆիլմով

Հոլիվուդյան դերասան Ուիլ Սմիթը մեծ էկրաններ կվերադառնա «Օսկար» մրցանակաբաշխության ընթացքում սկանդալից հետո, հայտնում է The Sun-ը՝ վկայակոչելով իր աղբյուրին։

Մարտի 28-ին Սմիթն «Օսկար» մրցանակաբաշխության ընթացքում արժանացել է «Լավագույն դերասան» մրցանակին։ Միջոցառման ընթացքում այն վարող Քրիս Ռոքն անհաջող կատակել էր հոլիվուդյան դերասանի կնոջ՝ Ջադա Փինքեթ-Սմիթի մասին, ինչի պատճառով Սմիթը հարվածել էր նրան։

Պարբերականի տեղեկություններով՝ դերասանը կխաղա «Ես լեգենդ եմ» ֆիլմի շարունակությունում։ Նա կկատարի Ռոբերը Նեւիլի դերը, որը պայքարում է ողջ մնալու համար եւ դեղամիջոց է որոնում զոմբիների դեմ հետապոկալիպտիկ Նյու Յորքում։