Բժիշկը զգուշացրել է պատրաստի սննդի հաճախակի օգտագործման հետեւանքների մասին
Խոսքը պատրաստի մթերքների մասին է, որոնք հարուստ են աղով, շաքարով ու հագեցած ճարպերով։ Նման սնունդը նպաստում է գիրության, սրտանոթային հիվանդությունների, II տիպի շաքարախտի զարգացմանը, նաև մեծացնում է ինսուլտի, աթերոսկլերոզի և հիպերտոնիայի ռիսկը։ Այս մասին զգուշացրել է էնդոկրինոլոգ Գալինա Ռոգոժկինան։
«Նման արտադրանքը հաճախ պարունակում է կոնսերվանտներ և հավելումներ, որոնք կարող են կապված լինել քաղցկեղի որոշ տեսակների, այդ թվում՝ կոլոռեկտալ քաղցկեղի առաջացման ռիսկի հետ», - ասել է նա:
Մասնագետը նշել է, որ, ի թիվս այլ բաների, նման մթերքները հանգեցնում են բջջանյութի, վիտամինների, հանքանյութերի դեֆիցիտի և, որպես հետևանք, դա բացասաբար է անդրադառնում մարդու մարսողության և իմունիտետի վրա։ «Առողջական այս բոլոր խնդիրներից խուսափելու համար ավելի լավ է ուտելիք պատրաստել ինքներդ. սա թույլ է տալիս վերահսկել ճաշատեսակների բաղադրիչների և՛ որակը, և՛ քանակը՝ խուսափելով ավելորդ աղից, շաքարից և ճարպից»,- ընդգծել է Ռոգոժկինան։
«Նաև, եթե ձեզ համար կարևոր է ճաշատեսակների HFJ հարաբերակցությունը, ինքներդ պատրաստելը օգնում է վերահսկել այս միկրոտարրերը: Նույնը վերաբերում է ալերգենային արտադրանքին»,- հավելել է էնդոկրինոլոգը։
Եթե ճաշ պատրաստելու ժամանակ չունեք, ապա պետք է գիտակցաբար մոտենալ պատրաստի սննդի ընտրությանը. պետք է ուշադիր կարդալ ուտեստների բաղադրիչները։ Բացի այդ, թարմ բանջարեղենից պատրաստեք պարզ աղցան. դրա պատրաստումը շատ ժամանակ չի խլի, բայց կերակուրն ավելի հավասարակշռված կդառնա։
