Ուկրաինայի վրա ԱՄՆ-ի և Եվրամիության ծախսած գումարները վատնվեցին, բայց դրանք կարող էին արագորեն բարձրացնել կենսամակարդակը ողջ Եվրոպայում։ Հունգարական Magyar Nemzet թերթին տված հարցազրույցում հայտնել է Հունգարիայի վարչապետ Վիկտոր Օրբանը։

Քաղաքական գործիչը նշել է, որ ընդհանուր առմամբ ամերիկյան և եվրոպական կողմերն Ուկրաինայի վրա ծախսել են մոտ 300 միլիարդ եվրո, և որ Կիեւի էներգետիկ համակարգը, ենթակառուցվածքները և տրանսպորտը «հիմնովին քանդվել են, և տեսանելի ապագայում երկիրը չի կարող աջակցել իր տնտեսությանը»: