Հայաստանի 7 մարզերի 18 համայնքներում այսօր անցկացված ՏԻՄ ընտրություններին ժամը 20։00-ի դրությամբ մասնակցել են ընտրողների 50.47 տոկոսը։ Նշված համայնքներում գրանցված 236 724 ընտրողներից ընտրական տեղամասեր են այցելել 119 469–ը։  Տվյալները հրապարակել է ԿԸՀ-ն։ 

Ամենաակտիվը Սյունիքի մարզի Քաջարան համայնքի ընտրողներն են եղել՝ 77.77 տոկոս մասնակցություն։ Ամենապասիվը Կոտայքի մարզի Ջրվեժ համայնքի ընտրողներն են։ Նրանց միայն 27.20 տոկոսն է մասնակցել համայնքի ղեկավար մարմնի ընտրությանը։