Չորեքշաբթի ԱՄՆ նախագահ Ջո Բայդենը Ուկրաինայի Անկախության օրը նշել է անվտանգության ոլորտում 3 միլիարդ դոլարի աջակցությամբ, որը Վաշինգտոնի օգնության ամենամեծ փաթեթն է ռուս-ուկրաինական հակամարտության սկսվելուց ի վեր, հայտնում է Reuters-ը։
«ԱՄՆ-ն մտադիր է աջակցել Ուկրաինայի ժողովրդին, քանի որ նրանք շարունակում են պայքարել իրենց ինքնիշխանության պաշտպանության համար»,- ասել է Բայդենը օգնության փաթեթի մասին հայտարարելիս։
Մոտ 2.98 միլիարդ դոլարի օգնությունն «Ուկրաինային հնարավորություն կտա հակաօդային պաշտպանության համակարգեր, հրետանային համակարգեր և զինամթերք, ԱԹՍ-ներ եւ ռադարներ ձեռք բերել երկարաժամկետ ինքնապաշտպանության համար»,- ասել է նա:
2021-ի հունվարին Բայդենի վարչակազմի աշխատանքի սկզբից Միացյալ Նահանգները մոտ 10.6 միլիարդ դոլարի աջակցություն է ցուցաբերել Ուկրաինային անվտանգության ոլորտում։ 2014-ից ի վեր ԱՄՆ-նավելի քան 12.6 միլիարդ դոլարի օգնություն է տրամադրել Ուկրաինային անվտանգության ոլորտում: