Այս իշխանության շուրջ կոնսոլիդացիան պարզապես Փաշինյանին փրկելու ծրագիր է․ Մանուկյան
Այն առաջարկը, որ ներկայացնում էր Տեր-Պետրոսյանը՝ գնալ իշխանության հետ երկխոսելու, հստակ ասում է, որ այդ մարդու հետ որևէ խոսելու բան չկա։ Այս մասին այսօր ԱԺ-ում լրագրողների հետ զրույցում ասաց ԱԺ «Հայաստան» խմբակցության պատգամավոր Գեղամ Մանուկյանը՝ խոսելով Վեհափառի և նախկին նախագահների հանդիպումների և առաջին նախագահի հայտարարության մասին։
«Ակնկալելի է, որ այդ ձևաչափը կշարունակվի, թեկուզ առանց Լևոն Տեր-Պետրոսյանի»,-ասաց նա։
Մանուկյանի խոսքով՝ այս իշխանության շուրջ կոնսոլիդացիան պարզապես Նիկոլ Փաշինյանին փրկելու ծրագիր է։ Հարցին, թե որքանով է հավաստի ՀԺ-ի տարածած՝ Ադրբեջանի առաջարկած 5 կետերը, վերջին պատասխանեց․ «Այդ անանուն աղբյուրը պետք է հետաքրքրի իրավապահներին, որովհետև սպառնալիք է մեր ազգային անվտանգոությանը, որովհետև տարածում է ադրբեջանական թեզեր, հանրությանը մղում է վախի, անորոշության զգացման»։
Դիտարկմանը, թե այստեղ ոչ թե աղբյուրն է խնդիրը, այլ բովանդակությունը, Մանուկյանն արձագանքեց․ «Բովանդակությունը հայտնի է։ Չէ, ես չեմ հասկանում ով է աղբյուրը, մինչև չբացահայտեն՝ չեմ իմանա, կասկածներ ունեմ, բայց պետք է հետաքրքրվեն իրավապահ մարմինները»։
Մանրամասները՝ տեսանյութում
