Քուվեյթը հայտարարել է նոր կառավարության ձեւավորման մասին, հայտնում է AP-ն։
Քուվեյթի նորանշանակ վարչապետ շեյխ Ահմադ Նավաֆ ալ-Սաբահը կղեկավարի 12 հոգուց բաղկացած նախարարների կաբինետը, քանի դեռ խորհրդարանը չի լուծարվել արտահերթ ընտրություններից առաջ, հայտնել է երկրի պետական KUNA գործակալությունը: Քվեարկության օրը դեռ հայտնի չէ։
Սա Քուվեյթի հինգերորդ կառավարությունն է երկու տարվա ընթացքում, երբ երկրի էմիրի կողմից նշանակված կաբինետը եւ ընտրված խորհրդարանը պայքարում են իշխանությունը կիսելու համար: Նախկին վարչակազմերի մի քանի նախարարներ վերանշանակվել են, այդ թվում՝ Աբդուվահաբ ալ-Ռուշաիդը՝ ֆինանսների նախարարի պաշտոնում, որը հայտնի է կառավարության հարկաբյուջետային քաղաքականության իր քննադատությամբ:
Փորձելով դուրս գալ փակուղուց եւ հանգստացնել վարչապետից եւ քաղաքական կաթվածից դժգոհ ընդդիմադիր օրենսդիրներին՝ Քուվեյթի թագաժառանգ շեյխ Մաշալ ալ Ահմեդ Ալ Ջաբերն այս ամռան սկզբին հայտարարեց, որ ցրել է խորհրդարանը եւ արտահերթ խորհրդարանական ընտրություններ կնշանակի:
Անցյալ շաբաթ երկիրը նոր վարչապետ նշանակեց իշխող էմիրի որդուն՝ Շեյխ Ահմադին։