Պուտինը և ԱՄՆ նախագահի հատուկ ներկայացուցիչը կհանդիպեն․ այլ հայտարարություններ Կրեմլից
ՌԴ նախագահ Վլադիմիր Պուտինը կհանդիպի ԱՄՆ նախագահի հատուկ ներկայացուցիչ Սթիվեն Վիտկոֆֆի հետ, ասել է մամուլի քարտուղար Դմիտրի Պեսկովը։
ՌԴ նախագահի մամուլի քարտուղարի խոսքով՝ Պուտինն ու Վիտկոֆֆը կքննարկեն ուկրաինական կարգավորումը, և որ «սա լավ հնարավորություն է Ռուսաստանի դիրքորոշումը Թրամփին փոխանցելու համար»։
«Հանդիպումից որևէ բեկում պետք չէ սպասել։ Սա Ռուսաստանի Դաշնության և Միացյալ Նահանգների դիվանագիտական աշխատանքի շարունակությունն է»,- ասել է Կրեմլի խոսնակը։
Պուտինի և Թրամփի հանդիպումը կարող է քննարկվել այս հանդիպման ընթացքում։
