MediaHub-ը շարունակում է ներկայացնել ԱԺ պատգամավորների հայտարարգրերը՝ կանխիկ դրամական միջոցների մասով: 

Այսօրվա հրապարակման հերոսներն այն պատգամավորներն են, որոնք հայտարարագրել են կանխիկ միջոցներ արտարժույթով:

Եվ ինչպես և ՀՀ դրամի դեպքում, ԱՄՆ դոլարով հայտարարագրած կանխիկ դրամական միջոցներից կրկին ամենամեծը հայտարարագրել է «Քաղաքացիական պայմանագիր» խմբակցության պատգամավոր Խաչատուր Սուքիասյանը՝ 2 մլն 125 հազար 650 դոլար: Հիշեցնենք, դրամի մասով նա հայտարարագրել էր 4 մլրդից ավելի կանխիկ գումար:

Պատգամավորին հաջորդում է նույն խմբակցության անդամ Գուրգեն Արսենյանը: Վերջինս հայտարարագրել է 540 հազար դոլար կանխիկ գումար: 

Երրորդ հորիզոնականում «Հայաստան» խմբակցության պատգամավոր Հռիփսիմե Ստամբուլյանն է՝ 250 հազար դոլար կանխիկ գումարի հայտարարագրմամբ: Չորրորդ տեղը զբաղեցնում է «Քաղաքացիական պայամանագիր» խմբակցության պատգամավոր Էդգար Հակոբյանը, ով հայտարարագրել է 150 հազար դոլար: 

ԱՄՆ դոլարով կանխիկ գումարի հայտարարագրման  հնգյակն ամփոփում է «Հայաստան» խմբակցության պատգամավոր Նորիկ Թևանյանը՝ հայտարարագրելով 124 հազար դոլար: 

Իսկ ամենաքիչը դոլարով կանխիկ դրամական միջոցա հայտարարագրել է «Քաղաքացիական պայամանագիր» խմբակցության պատգամավոր Լիլիթ Կիրակոսյանը՝ 400 դոլար: 

Ինչ վերաբերում է եվրոյին, ապա ամենից շատ կանխիկ միջոցը հայտարարագրել է «Հայաստան» խմբակցության պատգամավոր Վահե Հակոբյանը՝ 207 400 եվրո: Եվ այս պատճառով է, որ Խաչատուր Սուքիասյանը հայտնվել է երկրորդ տեղում՝ իր հայտարարագրած 185 000 եվրոյով:

Երրորդ տեղում «Հայաստան» խմբակցության պատգամավոր Նորիկ Թևանյանն է, որը հայտարարագրել է 114 000 եվրո: Հաջորդ պատգամավորը «Պատիվ ունեմ» խմբակցության անդամ Տարոն Մարգարյանն է՝ 40 000 եվրո: Հնգյակն ամփոփում է «Հայաստան» խմբակցության պատգամավոր Արմեն Չարչյանը: Վերջինս հայտարարագրել է 33 000 եվրո: 

Եվրո արժույթով ամենաքիչ կանխիկ դրամական միջոցը հայտարարագրել է «Հայաստան» խմբակցության պատգամավոր Արծվիկ Մինասյանը՝ 400 եվրո: 

Պատգամավորներից միայն մեկն է կանխիկ դրամական միջոց հայտարարագրել ռուբլիով: Խոսքը «Քաղաքացիական պայմանագիր» խմբակցության անդամ Տրդատ Սարգսյանի մասին է, ով հայտարարագրել է 65 000 ռուբլի: 

Իսկ ահա 23 պատգամավորներ ընդհանրապես չեն ներկայացրել կանխիկ դրամական միջոցներ: Նրանք են՝ Ռուբեն Ռուբինյան, Նարեկ Բաբայան, Սերգեյ Բագրատյան, Զարուհի Բաթոյան, Սիսակ Գաբրիելյան, Լիլիթ Գալստյան, Մերի Գալստյան, Հռիփսիմե Գրիգորյան, Մարտուն Գրիգորյան, Արսեն Թորոսյան, Միքայել Թումասյան, Սարգիս խանդանյան, Արմեն Խաչատրյան, Վիգեն Խաչատրյան, Կնյազ Հասանով, Թագուհի Ղազարյան, Սոնա Ղազարյան, Վահսե Ղալումյան, Լիլիթ Մինասյան, Լենա Նազարյան, Քրիստինե Պողոսյան, Հերիքնազ Տիգրանյան, Սեյրան Օհանյան): Այս պատգամավորներից 20-ը ՔՊ-ական են, 1-ը «Պատիվ ունեմ» խմբակցությունից, 2-ը՝ «Հայաստան»-ից:

Շուշանիկ Միսկարյան