ԵՊԲՀ նախկին ռեկտոր Միքայել Նարիմանյանի նկատմամբ խափանման միջոց է ընտրվել գրավը եւ բացակայելու արգելքը: 

«Երևանի Մխիթար Հերացու անվան պետական բժշկական համալսարան» հիմնադրամի պաշտոնատար անձանց կողմից յուրացման, վատնման այլ դրվագների, ինչպես նաև առևտրային կամ այլ կազմակերպությունների ծառայողների կողմից լիազորությունները չարաշահելու մի շարք դրվագների առնչությամբ։

Միքայել Նարիմանյանը ձերբակալվել է նոյեմբերի 5-ին:

Ըստ մամուլում շրջանառվող տեղեկությունների Նարիմանյանի ձերբակալումը կապված է ՀՀԿ փոխնախագահ Արմեն Աշոտյանի դեմ պատրաստվող հնարավոր քրեական հետապնդման հետ, որը վարույթի շրջանակում վկայի կարգավիճակ ունի:

Ավելին, Աշոտյանը ու նրա փաստաբանն անցած երկու օրերին պնդում են, որ մոտ օրերս նախապատրաստվում է քաղաքական գործչի ցուցադրական ձերբակալությունը:

Առհասարակ, տխուր օրինաչափություն է, որ ընդդիմության յուրաքանչյուր ակտիվացման ֆոնին իշխանությունը գործի է դնում ռեպրեսիվ մեքենան, գզրոցից հանում է հին քրեական գործեր, դրանցում փորձում է գտնել ընդդիմադիր «հետքեր»:

Աշոտյանը միակը չէ, որ վերջին օրերին հայտնվել է իշխանության թիրախում: Նոյեմբերի 5-ի հանրահավաքից առաջ մամուլում տեղեկություններ հայտնվեցին, որ շուտով պատգամավորական անձեռնմխելիությունից զրկվելու են «Հայաստան» խմբակցության երեք պատգամավորներ՝ կալանավորման հեռանկարով:

Փաստորեն, 2018-ի հեղափոխություն հորջորջվածը ոչինչ չի փոխել քաղաքական մշակույթում. ինչքան իշխանությունը կտրվում է հասարակությունից, այնքան ավելի սանձարձակ ու դեսպոտ է դառնում:

Մյուս կողմից, երկիրը գտնվում է ճակատագրական մի հանգրվանում, որտեղ իշխանությունը պետք է ազգային միասնության մոդելի կրողը լինի՝ մերժելով բարիկադները:

Բայց մենք տեսնում ենք հակառակը՝ իշխանությունը բարիկադներ է փորում ոչ թե երկրի սահմանին՝ թշնամու դեմ, այլ երկրի ներսում՝ պայքարելով ընդդիմության, հասարակության դեմ:

Վահրամ Բագրատյան