Ռուսաստանի Պրեմիեր լիգան դիտարկում է մրցաշարի ձևաչափի 5 տարբերակ հաջորդ մրցաշրջանի համար

Ռուսաստանի Պրեմիեր լիգան դիտարկում է հաջորդ մրցաշրջանի համար մրցաշարի ձևաչափի 5 տարբերակ, ArmSport.am-ի փոխանցմամբ՝ հայտնում է Sports.ru-ն։

1) 30 տուր՝ 16 թիմով, գումարած Լիգայի գավաթը.

2) 30 տուր՝ 16 թիմով, ապա բաժանում երեք խմբերի (1-4 տեղեր, 5-12, 13-16)

3) 30 տուր՝ 16 թիմով, ապա բաժանում 8 թիմանոց երկու խմբերի

4) 30 տուր՝ 16 թիմով, ապա աշխարհագրական բաժանում՝ պայմանավորված ավիափոխադրումների սահմանափակումներով

5) ՌՊԼ-ի ընդլայնում մինչև 18 թիմ

Նշվում է, որ այս մրցաշրջանի թոփ 6 ակումբները (Զենիթ, Դինամո, Սոչի, ԲԿՄԱ, Կրասնոդար և Լոկոմոտիվ) չեն աջակցում մրցաշարի ընդլայնմանը և հակված են պահպանել ներկայիս ձևաչափը, իսկ եվրագավաթներին չմասնակցելու պատճառով ազատ օրերի համար առաջարկվում է վերականգնել ՌՊԼ-ի գավաթը, որն անցկացվել է միայն մեկ անգամ՝ 2003 թվականին։