Ռուս զինվորականները հապճեպ հեռանում են Լուգանսկի շրջանում իրենց տեղակայման վայրերից՝ շարժվելով մարզի խորք կամ Ռուսաստանի տարածք, ասել է շրջանի ղեկավար Սերգեյ Գայդայը, գրում է BBC-ի ռուսական ծառայությունը։
Նրա խոսքով՝ հապճեպ տարհանումը պայմանավորված է Ուկրաինայի զինված ուժերի հակահարձակմամբ։
«Լուգանսկի մարզում ռուս զինվորականներն իրենց ընտանիքներով լքել են Սվատովոն, տեղի բնակիչներից մնացել են միայն այսպես կոչված «ժողովրդական միլիցիայի» զինվորները: Զավթիչ իշխանությունները հաստատում են զինվորականների և համախոհների տեղաշարժի մասին տեղեկությունը: Ավելին, ոմանք անցնում Ռուսաստանի տարածք»,- գրել է Գայդայը Տելեգրամում: