Ֆուտբոլի միջազգային ֆեդերացիան (ՖԻՖԱ) տուգանել է Հայաստանի ֆուտբոլի ֆեդերացիային:
ՀՖՖ-ն տուգանվել է աշխարհի առաջնության ընտրական մրցաշարի «Հայաստան – Պորտուգալիա» հանդիպմանը (0։5) խախտումների պատճառով:
Ֆեդերացիան տուգանվել է 12 հազար շվեյցարական ֆրանկով:
Ըստ ՖԻՖԱ-ի հրապարակած տեղեկատվության՝ ընտրանիների հանդիպման ընթացքում տեղի են ունեցել թիմային անպատշաճ վարքագիծ, կարգի և անվտանգության խախտումներ, ներխուժում խաղադաշտ կամ ներխուժման փորձ, ճայթուկների կամ այլ հրավառ առարկաների օգտագործում:
Հանդիպումը տեղի էր ունեցել սեպտեմբերի 6-ին։