Չի բացառվում Չինաստանի մասնակցությունը ուկրաինական պատերազմին վերջ տալու բանակցություններին, քանի որ Պեկինը կարող է անվտանգության երաշխիքներ տալ, հայտարարել է Ուկրաինայի նախագահ Վլադիմիր Զելենսկին։
«Ինչ վերաբերում է Չինաստանին, տեսեք, մենք միշտ ասել ենք, որ պատրաստ ենք լուրջ խաղացողների ներկայությանը: Նրանք, ովքեր պատրաստ են Ուկրաինային անվտանգության երաշխիքներ տրամադրել և ներդրումներ կատարել Ուկրաինայի վերականգնման համար, կլինեն բանակցությունների սեղանի շուրջ»,- ասել է Ուկրաինայի նախագահը։