Սուտ է․ մարզպետի հետ այդ լուրերը տարածողի տանն էինք․ Տեղի համայնքապետ
«Բացարձակ սուտ է, ո՞նց կարող է նման բան լինել»,- Տեղ համայնքի ղեկավար Դավիթ Ղուլունցի արձագանքն է մամուլում տարածված լուրերին, թե համայնքի ճանապարհները խճապատելու համար գյուղացիներից 5000 դրամ են հավաքում։
MediaHub-ի հետ զրույցում նա նշեց, որ այսօր Սյունիքի մարզպետն էլ է այդ հարցով այցելել համայնք, և իրենք միասին այցելել են լուրը տարածող ավագանու անդամի՝ Մասիս Զեյնալյանի տուն։
«Ավագանու այդ անդամը երեք ամիս է՝ ՌԴ-ում է, նիստերին էլ չի գալիս։ Մարզպետի հետ գնացինք նրա տուն։ Գնացինք, նրանց տանն էլ ասացինք, որ նման բան չկա։ Ո՞նց կարող է համայնքի ղեկավարը փող հավաքել»,- նշեց Ղուլունցը։
Հարցին, թե ինչո՞ւ են նման լուրեր տարածում, նա ասաց, որ պետք է տարածողից հարցնել.
«Իր հայրն ասաց, որ տղան կոնտուզիա է տարել, հոգեկան հիվանդ է»,- նշեց նա։ Այլ մեկնաբանություն Դավիթ Ղուլունցը թեմայի առնչությամբ չուներ։
Նարե Գնունի
