Երեքշաբթի օրը Ֆլորիդայի երկնքում երկու թեթև ինքնաթիռների բախման հետևանքով զոհերի թիվը հասել է չորսի: Այս մասին ասվում է Փոլք շրջանի Շերիֆի գրասենյակի հաղորդագրության մեջ, որը հրապարակվել է գործակալության կայքում, փոխանցում է ՏԱՍՍ-ը։
Այսպիսով, ինքնաթիռներում գտնվող բոլոր մարդիկ զոհվել են։ Վթարը տեղի է ունեցել տեղի լճի վրա, օդանավի բեկորները ջրի մեջ են, սակայն մահացածների մարմիններն արդեն դուրս են բերվել։ Նրանցից երեքի ինքնությունը պարզվել է, վերջին զոհի ինքնությունը դեռ պարզված չէ։ Շերիֆի վարչությունը հետաքննում է վթարի պատճառները։