Դրամի փոխարժեքը՝ այսօր
Եղանակը՝ այսօր
Միջազգային

Միջուկային պատերազմում հաղթողներ չեն կարող լինել. Պուտին

Blog Image

Միջուկային պատերազմում հաղթողներ չեն կարող լինել, և այն երբեք չպետք է սանձազերծվի, հայտարարել է Ռուսաստանի նախագահ Վլադիմիր Պուտինը:

Պետության ղեկավարը ողջույնի խոսք է հղել միջուկային զենքի չտարածման մասին պայմանագրի գործողությունը դիտարկող  խորհրդաժողովի մասնակիցներին և հյուրերին:

Նրա խոսքով ՝ ավելի քան կես դար տևած գոյության ընթացքում պայմանագիրը դարձել է անվտանգության և ռազմավարական կայունության միջազգային համակարգի առանցքային տարրերից մեկը, իսկ դրա կողմից նախատեսված պարտավորությունները լիովին համապատասխանում են ինչպես միջուկային, այնպես էլ ոչ միջուկային երկրների շահերին:

Պուտինն ընդգծել է, որ բոլոր պետությունները պետք է իրավունք ունենան առանց լրացուցիչ պայմանների օգտվել միջուկային խաղաղ էներգիայի օգտագործումից, և Ռուսաստանը պատրաստ է կիսվել փորձով այդ ոլորտում:

Նա նաեւ նշել է ՄԱԳԱՏԷ-ի երաշխիքների համակարգի առանձնահատուկ նշանակությունը և չափազանց կարևոր է համարել դրա օբյեկտիվ, ապաքաղաքականացված և տեխնիկապես հիմնավորված կիրառման ապահովումը:

Send