Եթե Եվրոպան ռազմական հակամարտություն սկսի Ռուսաստանի դեմ, ապա Մոսկվայից կհետևի «կարճ պատասխան». այս մասին հայտարարել է Ռուսաստանի արտաքին գործերի նախարար Սերգեյ Լավրովը։

«Նախագահ [Վլադիմիր] Պուտինը վերջերս բազմիցս ընդգծել է, որ մենք չենք ցանկանում և չենք ծրագրում որևէ պատերազմ Եվրոպայի հետ։ Սակայն, եթե Եվրոպան, ինչպես սպառնում է, պատրաստվում է պատերազմի և որոշի սկսել այն, ապա մենք պատրաստ ենք դրան։ Բայց դա կլինի այլ տեսակի պատերազմ՝ և շատ կարճ»,- շեշտել է դիվանագետը։

Լավրովը նաև նշել է, որ Ռուսաստանը ներկայումս Եվրոպայի հետ «իրատեսական երկխոսության հեռանկարներ» չի տեսնում, քանի որ Արևմուտքը գործում է հակառակ դեպի բազմաբևեռ աշխարհ տանող «օբյեկտիվ պատմական միտման»։