Շոգ եղանակին երեկոյան սառը ցնցուղ ընդունելը կարող է անքնություն առաջացնել, ասել է բժիշկ Խոսե Մանուել Ֆելիչեսը, որի խոսքերն է մեջբերել «El Economista»-ն։

Ֆելիչեսը բացատրել է, որ քնելուց առաջ սառը ցնցուղ ընդունելը կարող է ամռանը անքնություն առաջացնել և խորհուրդ է տվել խուսափել դրանից։ «Սառը ցնցուղը անմիջապես թեթևացում է ապահովում, բայց հետո, երբ դուք պառկում եք քնելու, ձեր մարմինը զգում է, որ տաք վառարանի մեջ է», - նշել է բժիշկը։

Ուղեղը ջերմաստիճանի հանկարծակի փոփոխությունը ընկալում է որպես սառեցում, ուստի ակտիվացնում է ջերմությունը պահպանելու մեխանիզմը։ «Խնդիրն առաջանում է 10 րոպեի ընթացքում։ Ձեր մարմինը կրկին զգում է ջերմությունը և արձագանքում է՝ բացելով «խողովակները»՝ փոխհատուցելու համար։ Եվ այդ ժամանակ տեղի է ունենում հակառակ ազդեցությունը. դուք սկսում եք առատ քրտնել, այդ պատճառով էլ ձեր սավանները թրջվում են», - հավելել է Ֆելիչեսը։