Լիբանանի կառավարությունը որոշել է արգելել «Հըզբոլլահի» ողջ ռազմական գործունեությունը, հայտարարել է վարչապետ Նավաֆ Սալամը երկուշաբթի առավոտյան կառավարության արտակարգ նիստից հետո, գրել է «ՌԻԱ Նովոստի»-ն։

«Որոշում է կայացվել արգելել «Հըզբոլլահի» ողջ ռազմական և անվտանգության գործունեությունը որպես անօրինական՝ զենքը հանձնելու պարտավորությամբ և նրա գործունեությունը բացառապես քաղաքական ոլորտով սահմանափակելու պարտավորությամբ», - Սալամի խոսքերն է մեջբերել կառավարության մամուլի ծառայությունը։

Լիբանանի իշխանությունները նաև հրահանգել են բանակին ձեռնարկել բոլոր հնարավոր միջոցները՝ Լիտանի գետից հյուսիս տեղակայված շարժումը զինաթափելու համար։