Երկուշաբթի օրը Եվրոպական Միության Sentinel-1 արբանյակից նկարահանված լուսանկարները ցույց են տալիս, որ Խարկ կղզում կայանված է մոտ 2 միլիոն բարել նավթ տեղափոխելու կարողությամբ շատ մեծ նավթատար տանկեր, գրել է Bloomberg-ը։

Շաբաթ օրը նկարահանված ավելի վաղ լուսանկարում Խարկում կայանված նավեր չեն երևացել։

ԱՄՆ-ի գործողությունները, հավանաբար, վերջնական արդյունքում կստիպեն Իրանին կրճատել արտադրությունը, եթե տանկերները չկարողանան ավելի հեռու անցնել։ «Այս քայլը մեխանիկորեն կսահմանափակի ծավալները, ոչ միայն ֆինանսապես, թողնելով շատ ավելի քիչ տեղ շրջանցիկ առևտրի համար և, ի վերջո, կստիպի Իրանին կրճատել արտադրությունը», - գրել են «JPMorgan Chase & Co.»-ի վերլուծաբանները։

Այնուամենայնիվ, այս գործընթացը արագ չի լինի։ Իրանն ունի 90 միլիոն բարել նավթի պահեստ և կկարողանա պահպանել արտադրությունը ներկայիս մակարդակում՝ օրական մոտ 3.5 միլիոն բարել՝ մոտ երկու ամիս, նույնիսկ եթե ԱՄՆ շրջափակումը հաջողությամբ դադարեցնի երկրի արտահանումը։