Ֆրանսիան ճնշում է գործադրում, որ Ուկրաինան օգտագործի ԵՄ 90 միլիարդ եվրոյի վարկը՝ զենք գնելու համար եվրոպական, այլ ոչ թե ամերիկյան արտադրողներից, հաղորդել է «The Telegraph»-ը։

Ըստ Telegraph-ի՝ այս դիրքորոշումը հանգեցրել է անհամաձայնությունների Գերմանիայի և Նիդեռլանդների հետ, որոնք կարծում են, որ դա կդժվարացնի Կիեւի համար զենքի ձեռքբերումը, և որ եվրոպացի արտադրողները այլընտրանք չունեն որոշ ամերիկյան զենքերի, այդ թվում՝ Patriot հակաօդային պաշտպանության համակարգի համար։

Թերթը նշել է, որ Ուկրաինայի համար վարկային ծրագրի վերջին տարբերակը նախատեսում է 90 միլիարդ եվրոյից 60 միլիարդն ուղղակիորեն ծախսել զենքի գնման վրա, իսկ մնացած միջոցները նախատեսված են պաշտպանական բյուջեի դեֆիցիտը ծածկելու համար։

Այս թեմային ավելի վաղ անդրադարձել էր նաև Bloomberg-ը։