Русский
Մարտի 12-ին ժամը 10:00-ին գումարվելու է Երևան քաղաքի ավագանու 6-րդ նստաշրջանի 2-րդ նիստը։
MediaHub-ն ուսումնասիրեց ավագանու նիստի օրակարգը, նախագծերից մեկով առաջարկվում է անվանակոչել Սիլիկյան 8-րդ փողոցը։
Մասնավորապես, առաջարկվում է Երևան քաղաքի Աջափնյակ վարչական շրջանի Սիլիկյան 8-րդ փողոցը (սկսվում է Սիլիկյան 2-րդ փողոցից, հասնում՝ Սիլիկյան 7-րդ փողոց) անվանակոչել հայ կոմպոզիտոր, քանոնահար, ՀԽՍՀ ժողովրդական արտիստ Խաչատուր Ավետիսյանի անվամբ՝ «Խաչատուր Ավետիսյան փողոց»:
Նախագծի հեղինակն է Երևանի ավագանու «Քաղաքացիական պայմանագիր» խմբակցության անդամ Քրիստինե Վարդանյանը։