Թրամփի վարչակազմը մտադիր է փակել Գազայի հատվածի մոտ տեղակայված իր քաղաքացիական-ռազմական համակարգման կենտրոնը, հաղորդել է Reuters-ը՝ հղում անելով աղբյուրներին։

Կենտրոնի գործառույթների մեջ են Իսրայելի և «Համաս» խմբավորման միջև հրադադարի մոնիթորինգը և Գազա մարդասիրական օգնության մատակարարման համակարգումը։

Կենտրոնը փակելու որոշումը բխում է ԱՄՆ նախագահ Դոնալդ Թրամփի՝ Մերձավոր Արևելքի խաղաղության ծրագրի կասեցումից՝ հրադադարից հետո Իսրայելի շարունակական հարձակումների և Համասի կողմից զենքը վայր դնելու մերժման պատճառով։ Reuters-ի աղբյուրների տվյալներով՝ կենտրոնը չի կարողացել կատարել իր նպատակը, և դրա գործառույթները, հավանաբար, կփոխանցվեն Միջազգային կայունացման ուժերին (ISF)։

Ամերիկյան ռազմական ներկայությունը 190-ից կկրճատվի մինչև 40 անձնակազմ, իսկ զինվորականներին կփոխարինեն այլ երկրների քաղաքացիական մասնագետներ։ Սպիտակ տան՝  Գազայի վերականգնման ուղղությամբ ջանքերը գործնականում կասեցվել են այն բանից հետո, երբ ԱՄՆ-ն Իսրայելի հետ համատեղ պատերազմ է սկսել Իրանի դեմ։