Հունգարիայի խորհրդարանական ընտրություններում հաղթած «Տիսա» կուսակցության առաջնորդ Պետեր Մագյարը հայտարարել է, որ իր քրոջ ամուսնուն՝ Մարտոն Մելեթելի-Բարնային, առաջադրել է արդարադատության նախարարի թեկնածու՝ նրա մասնագիտական ​​որակավորման և օրենքի գերակայության նկատմամբ նվիրվածության պատճառով։

Մագյարի խոսքով՝ նրանք միմյանց ճանաչում են ուսանողական տարիներից, և Մելեթելի-Բարնան միացել է «Տիսա» կուսակցությանը իրենց հարսանիքից շատ առաջ։ Մագյարը նաև վստահեցրել է, որ իր քույրը կհրաժարվի դատավորի պաշտոնից ամուսնու պաշտոնավարման ընթացքում։

Ֆեյսբուքյան ուղերձով ապագա վարչապետը հայտարարել է, որ նոր կառավարության աշխատանքում կներդրվեն խիստ կանոններ. նախարարական որոշումները կլինեն թափանցիկ, իսկ շահերի բախումները կլուծվեն հրապարակայնորեն։ Այս կանոնները, նրա խոսքով, կվերաբերեն բոլորին, այդ թվում՝ իրեն։