Հորմուզի նեղուցի փակումը հանգեցրել է էներգիայի և պարարտանյութերի գների կտրուկ աճի, ուստի նեղուցը պետք է լիովին վերաբացվի առանց սահմանափակումների, Նայրոբիում մամուլի ասուլիսի ժամանակ հայտարարել է ՄԱԿ-ի գլխավոր քարտուղար Անտոնիո Գուտերեշը։

«Մենք տեսնում ենք գների կտրուկ աճ Հորմուզի նեղուցի փակման պատճառով, և այդ պատճառով մենք կարծում ենք, որ անհրաժեշտ է այն լիովին և առանց սահմանափակումների վերաբացել: Մենք կոչ ենք արել երկու կողմերին էլ դա անել: Սա էներգիայի և պարարտանյութերի գները նախապատերազմյան մակարդակին վերադարձնելու միակ միջոցն է, և սա կենսական նշանակություն ունի Քենիայի նման երկրների համար», - ասել է Գուտերեշը։

ՄԱԿ-ի գլխավոր քարտուղարի խոսքով՝ մի քանի երկրներ արդեն իսկ բախվում են պարարտանյութերի պակասի պատճառով պարարտանյութերի ճգնաժամի վտանգի հետ: «Հիմա ցանքի սեզոն է, և առանց պարարտանյութի մենք ռիսկի ենք դիմում հաջորդ տարի լուրջ պարենային անվտանգության խնդրի բախվելու: Սա այն պահն է, երբ Հորմուզի նեղուցի առանց սահմանափակումների բացումը կարևոր է ամբողջ միջազգային հանրության շահերից ելնելով», - ընդգծել է նա։

«Անիմաստ է, որ մի քանի երկրների միջև հակամարտությունն այնպիսի ազդեցություն ունենա, որը կխաթարի համաշխարհային տնտեսությունը», - հավելել է Գուտերեշը։