Русский
Իրանի արտաքին գործերի նախարար Աբբաս Արաղչին ստախոս է, հայտարարել է ԱՄՆ պետքարտուղար Մարկո Ռուբիոն «Fox News»-ին տված հարցազրույցում։
- Սա մի ռեժիմ է, որը գլխավորում են մարդիկ, ովքեր կարծում են, որ իրենց կոչումն ու կյանքի նպատակն է աշխարհի վերջը հասցնելը։ Մենք կարող ենք տեսնել վերջնագիծը։ Այն այսօր կամ վաղը չէ, բայց այն գալիս է։
- Արաղչին ստախոս է։ Այս տղան հեռուստատեսությամբ հերքում էր, որ Իրանը որոշակի հեռավորությունից դուրս որևէ հրթիռ ունի, իսկ հետո նրանք երկուսն արձակեցին։
- Նրանք նպատակ ունեին դառնալ հաջորդ Հյուսիսային Կորեան՝ ոչ թե Հյուսիսային Կորեա, որը ղեկավարվում է խնդրահարույց և դժվար հասկանալի ռեժիմի կողմից, այլ Իրան, որը ղեկավարվում է արմատական շիա հոգևորականների կողմից՝ միջմայրցամաքային հրթիռներով։
- Մենք թույլ չենք տա, որ կեղծ բանակցություններն օգտագործվեն որպես հետաձգման մարտավարություն։ Անօրինական է ռմբակոծել, հարվածել և հարձակվել առևտրային նավերի վրա՝ և խորտակել դրանք։ Ահա թե ինչ արեցին նացիստները Երկրորդ համաշխարհային պատերազմի ժամանակ Ատլանտյան օվկիանոսում։ Սրանք ահաբեկչական գործողություններ են, որոնք նրանք ձեռնարկում են։