Միացյալ Նահանգների նախագահ Դոնալդ Թրամփը կստանա Իսրայելի մրցանակը՝ հրեական պետության ամենահեղինակավոր մրցանակը, որը երբեք չի շնորհվել օտարերկրյա քաղաքացու, այս մասին հայտարարել է վարչապետ Բենիամին Նեթանյահուն։

«Վարչապետ Նեթանյահուն և կրթության նախարար Յոավ Կիշը ԱՄՆ նախագահ Թրամփին հայտնել են Իսրայելի մրցանակը շնորհելու իրենց որոշման մասին՝ հրեա ժողովրդի մեջ նրա յուրահատուկ ներդրման համար», - ասվում է Նեթանյահուի գրասենյակի կողմից Թրամփի հետ հանդիպման մասին տարածված հայտարարության մեջ։