Սանկտ Պետերբուրգի «Պրավոբերեժնի» շուկայում բռնկված բաց հրդեհը մարվել է։ Այս մասին իր Telegram ալիքում հայտնել է Ռուսաստանի արտակարգ իրավիճակների նախարարության քաղաքային մասնաճյուղը։

«Շուկայի շենքում բռնկված բաց հրդեհը մարվել է», - ասվում է հայտարարության մեջ։

Հրդեհի մասին առաջին անգամ հաղորդվել է դեկտեմբերի 10-ին։ Ականատեսները հայտնել են, որ թաղամասում լսվել են պայթյունի ձայներ։

Հրդեհը մարելու համար գործի է դրվել քսանվեց միավոր տեխնիկա և 96 մարդ։ Հրդեհը ընդգրկել է 1500 քառակուսի մետր տարածք։ Արտակարգ իրավիճակների նախարարության տվյալներով՝ հրդեհի հետևանքով վիրավորվել է մեկ տղամարդ, որը հոսպիտալացվել է։

«Հրդեհի մարման աշխատանքների ընթացքում մեկ մարդ մահացած է գտնվել»,-փոխանցում է «Ինտերևֆաքսը»։

Տեսանյութն՝ այստեղ