Միացյալ Նահանգները չպետք է օգտագործի Ռուսաստանին կամ Չինաստանին՝ Արկտիկայում իր սեփական շահերը արդարացնելու համար, ասել է Չինաստանի Արտաքին գործերի նախարարության խոսնակ Մաո Նինգը՝ անդրադառնալով ԱՄՆ նախագահ Դոնալդ Թրամփի՝ Գրենլանդիայի վերաբերյալ պահանջներին։

Նա ընդգծել է, որ Արկտիկան ազդում է միջազգային հանրության ընդհանուր շահերի վրա։

Խոսելով Իրանի մասին՝ ԱԳՆ ներկայացուցիչն ասել է, որ Չինաստանը հույս ունի, որ Իրանի կառավարությունն ու ժողովուրդը կհաղթահարեն առկա դժվարությունները և կպահպանեն կայունությունը երկրում։ «Մենք միշտ դեմ ենք այլ երկրների ներքին գործերին միջամտելուն»։