Русский
Միացյալ Նահանգները հեռացրել է իր դրոշը Առողջապահության համաշխարհային կազմակերպությունից՝ դրանից դուրս գալուց հետո, հայտնել է Ժնեւում միջազգային կազմակերպությունների ԱՄՆ մշտական ներկայացուցչությունը։
«Ժնեւում մշտական ներկայացուցչությունն ոը ծովային հետևակի ջոկատը վերադարձրել են ԱՀԿ-ում կախված դրոշը։ COVID համավարակի ժամանակ զոհված ամերիկացիներին նվիրված դրոշը պետքարտուղար Մարկո Ռուբիոն վերադարձնում է Միացյալ Նահանգներին», - հայտարարել է Ժնեւում տեղակայված առաքելությունը։
Միացյալ Նահանգները հայտարարել է Առողջապահության համաշխարհային կազմակերպությունից դուրս գալու մասին հունվարի 22-ին՝ նախագահ Դոնալդ Թրամփի գործադիր հրամանագրից ուղիղ մեկ տարի անց, ով նախաձեռնել էր այդ գործընթացը։
ՄԱԿ-ի գլխավոր քարտուղարի գրասենյակը հայտարարել է, որ Միացյալ Նահանգները «այլևս չի մասնակցում ԱՀԿ-ի աշխատանքներին», բայց ավելի ուշ պարզաբանել է, որ Միացյալ Նահանգները չի կատարել դուրս գալու համար անհրաժեշտ բոլոր պաշտոնական պայմանները, ներառյալ որոշման մասին ժամանակին տեղեկացնելը և ֆինանսական պարտավորությունների կարգավորումը։