Ռուսաստանի ներկայացուցիչները համաձայնել են, որ հրադադար է անհրաժեշտ Ուկրաինայում տարածքային զիջումների վերաբերյալ հանրաքվեի համար, հաղորդել է Axios-ը՝ հղում անելով աղբյուրների։

«Մենք ռուսների և ուկրաինացիների հետ հասել ենք հնարավոր առավելագույնին։ Վերջին երկու շաբաթների ընթացքում ավելի շատ առաջընթաց է գրանցվել, քան ամբողջ անցյալ տարվա ընթացքում», - Axios-ին ասել է ամերիկացի պաշտոնյաներից մեկը։

Հղում անելով ուկրաինացի պաշտոնյաներին՝ նշվում է, որ Վոլադիմիր Զելենսկին դեկտեմբերի 28-ին կհանդիպի Դոնալդ Թրամփի հետ՝ «փորձելու համաձայնության գալ խաղաղության ծրագրի շուրջ»։

Խաղաղության համաձայնագրի մեծ մասի տարրերն արդեն համաձայնեցված են Վաշինգտոնի և Կիեւի միջև, այդ թվում՝ անվտանգության երաշխիքները, որոնք Կիեւը կստանա ԱՄՆ-ից և Եվրոպայից: Ամերիկացի մի բարձրաստիճան պաշտոնյա հաստատել է, որ իր երկիրը պատրաստ է անվտանգության երաշխիքը, որի տեքստը հիմնված է ՆԱՏՕ-ի 5-րդ հոդվածի վրա, ուղարկել Սենատ՝ վավերացման համար։

Գլխավոր խոչընդոտը Ռուսաստանի պահանջն է, ըս որի՝ Մոսկվան պետք է վերահսկի ամբողջ Դոնբասը ցանկացած համաձայնագրի շրջանակներում: ԱՄՆ-ն առաջարկել է այն տարածքները, որտեղից նախատեսվում է դուրս բերել ուկրաինական զորքերը, վերածել ապառազմականացված «ազատ տնտեսական գոտու»: Զելենսկին պնդում է ռուսական զորքերի համեմատական ​​դուրսբերման վրա ներկայիս վերահսկողության գծից և ընդգծում է, որ տարածքային զիջումները պետք է հաստատվեն հանրաքվեով: Իսկ Ռուսաստանը համաձայն է հրադադարի՝ հանուն հանրաքվեի: