Այս [Իրանի դեմ] անօրինական պատերազմի հիմնական պատասխանատուն, որը ոչ միայն մեր տարածաշրջանը վերածել է ավերածությունների վայրի, այլև ծանր տնտեսական բեռ է դրել ողջ մարդկության վրա, Իսրայելի կառավարությունն է, ասել է Թուրքիայի նախագահ Ռեջեփ Թայիփ Էրդողանը։

Ըստ Էրդողանի՝ Իսրայելը խրված է հակամարտության, քաոսի և ճգնաժամերի մեջ։

«Ցանկացած զարգացում, որը կհանգեցնի պատերազմի շարունակության՝ նոր ճակատներ բացելով, կծառայի Իսրայելի արյունալի ռազմավարությանը և, իր հերթին, կվնասի մեր տարածաշրջանին։ Մենք չպետք է մոռանանք, որ պատերազմի ընթացքում թափված արյան յուրաքանչյուր կաթիլ կծառայի որպես փրկարար օղակ՝ երկարացնելով Նեթանյահուի քաղաքական գոյատևումը», - ընդգծել է Թուրքիայի նախագահը։