ԱՄՆ Միչիգան ​​նահանգում կրակոցներ են եղել, հինգ մարդ սպանվել է, մեկը՝ վիրավորվել, կրակոցների հեղինակ հրաձիգը մահացած է հայտնաբերվել, հաղորդել է «Associated Press»-ը՝ հղում անելով տեղական իրավապահ մարմիններին։

Ոստիկանությունը արձագանքել է տանը կրակոցների մասին հաղորդագրությանը։ Այնտեղ ոստիկանները հայտնաբերել են երեք մահացածի և մեկ վիրավորի, որը տեղափոխվել է հիվանդանոց։ Կասկածյալին՝ 39-ամյա Չադ Հիքմանին, որոնելիս ոստիկանությունը չորրորդ զոհին հայտնաբերել է մեկ այլ տանը։

«Իրավապահ մարմինների աշխատակիցները Հիքմանի մեքենան գտել են Ուիթլոք լճի մոտ գտնվող անտառապատ տարածքում, որը նրանց տարել է նրա մարմնի մոտ, ինչպես նաև մեկ այլ զոհի մարմին», - հայտնել է «Associated Press»-ը։

Իրավապահ մարմինները դեռևս չեն հրապարակել բոլոր վեց մարդկանց մահվան ճշգրիտ պատճառը։ Զոհերի միջև հնարավոր կապը նույնպես դեռևս չի բացահայտվել։