Դիսնեյի «Առյուծ արքան» մուլտֆիլմի ռեժիսորներից մեկը՝ Ռոջեր Ալերսն է մահացել 76 տարեկան հասակում։

Ամերիկացի պրոդյուսեր Դեյվ Բոսերտը լուրը հայտնել է իր ֆեյսբուքյան էջում։

Ալերսը սկսել է աշխատել Դիսնեյում՝ մշակելով 1982 թվականի ամերիկյան ֆենտեզի ֆիլմի՝ «Տրոն»-ի նախաարտադրական կոնցեպտները։ Այնուհետև նա աշխատել է որպես սցենարիստ «Օլիվեր և ընկերություն» և «Ջրահարսը» ֆիլմերում, իսկ հետագայում դարձել է «Գեղեցկուհին և հրեշը» մուլտֆիլմի սցենարի ղեկավարը։ Ավելի ուշ նա դարձել է «Առյուծ արքան» ֆիլմի համառեժիսոր։

Բոսերտը Ալերսի հետ աշխատել է բազմաթիվ ֆիլմերի վրա 1980-ականների վերջին և 1990-ականների ընթացքում։